Hagkvæmari herferðir

Nú eru uppi nýjir tímar sem sannarlega hafa gjörbreytt ferðamáta erlendra og innlendra ferðamanna. Hér skapast því tækifæri til að bjóða viðburði, gistingu og ýmis konar þjónustu fyrir sumarið 2020!

Hver er skjótasta leiðin til að ná athygli og kynna það sem þú býður upp á? Stafræn markaðssetning. Eða það sem við köllum í daglegu tali, auglýsingar á Facebook og Instagram.

Námskeiðið er einkakennsla í fjarnámi (2 kennslulotur í Zoom) þar sem nemandinn er lóðsaður í gegnum uppsetningu á markaðsherferð í Facebook-auglýsingastjóranum. Tilgangurinn er að fá betri svörun og lægri birtingarkostnað á auglýsingum á samfélagsmiðlum.

Af hverju auglýsa á samfélagsmiðlum?

Samfélagsmiðlarnir Facebook og Instagram hafa reynst vel til að auglýsa gistihús, viðburði og afþreyingu fyrir Íslendingum sem vilja kynnast landinu sínu betur.

En af hverju þessir tveir miðlar sérstaklega?  Jú, vegna þess að þeir hafa mikla útbreiðslu og spanna allan aldur og ólíka markhópa.  Þar sem Instagram er dótturfyrirtæki Facebook, er markaðsherferðum á báðum miðlum stjórnað með sama auglýsingakerfinu.

Hvað verður tekið fyrir?

Afmörkun á markhópnum þínum. Hvað einkennir hann? Hvar liggja tækifærin fyrir hagkvæmni?

Við munum skoða mismunandi tegundir herferða og læra að velja þá tegund sem samræmist best við tilgang herferðarinnar, til dæmis:

  • Vitundarvakning – Vekja athygli á fyrirtækinu mínu og þjónustu í boði
  • Áminning – Hnippa í fólkið sem hefur verið að skoða, en ekki bókað ennþá
  • Sértilboð – Kynna tilboð sem gildir í afmarkaðan tíma

Góð auglýsing byggir á góðri sögu. Hvaða sögu viltu segja markhópnum þínum? Hvernig geta umsagnir viðskiptavina hjálpað til við kaupákvörðun?

Niðurstaðan er heildstæð markaðsherferð, fulluppsett og tilbúin til birtingar í auglýsingastjóranum þínum.

Í seinni lotunni munum við rýna hvað virkar? Hvað einkennir markhópinn þinn, þau sem hafa sýnt bestu svörun við fyrri herferðum? Hvar liggja tækifærin fyrir meiri hagkvæmni?

Hvað er innifalið?

  • Einkakennsla, 2 fjarfundir á Zoom (60 mín + 30 mín viku síðar)
  • Uppsetning á markaðsherferð í Facebook-auglýsingakerfinu
  • Lærðu að velja úr 11 herferðategundum
  • Stillingar á auglýsingasetti fyrir markhóp, miðla og birtingaráætlun
  • Samsetning á auglýsingu með texta og mynd
  • Grunnstillingar í auglýsingakerfi Facebook
  • Yfirsýn í auglýsingakerfinu – hentugt sjónarhorn fyrir yfirlit herferða
  • Fjölföldun á herferðum og auglýsingum fyrir meiri breidd
  • Hvernig lestu úr niðurstöðum herferða?
  • Skref fyrir skref – Upptaka til upprifjunar

Fyrir hverja er námskeiðið?

Einyrkja, fjölskyldufyrirtæki, viðburðastjóra og stjórnendur í ferðaþjónustu sem vilja ná augum innlendra og erlendra ferðamanna með samfélagsmiðlum.

Það hentar öllum þeim sem vilja auglýsa þjónustu og viðburði, svo sem hestatúra, tónleika, bæjarhátíðir, gönguferðir, kvöldvökur og aðra afþreyingu.  Einnig gistingu, helgarpakka, vellíðunardvöl, námskeið og sértilboð af ýmsu tagi.

Umsagnir

„Námskeiðið stóð algjörlega undir væntingum.
Það var hjálplegt að fara yfir nýjungar og breytingar í auglýsingastjóranum, annars hefði ég verið að stauta við þetta í nokkra klukkutíma.
Hefði trúlega misst þolinmæðina og komið að þessu tvisvar.

Bára Guðjónsdóttir, Álftröð gistihús

“Þetta var mikill fróðleikur og ég hef lært mikið.

Takk fyrir samantekina líka. Við sennilega heyrumst í framhaldinu 😉 Það væri sniðugt að halda svona yfirferð 2 -3 á ári.”

– Jana Flieglova, Guesthoues Húsið

Kennari

Helgi Þór Jónsson er kerfisfræðingur með langa reynslu af verkefnastjórnun, markaðssetningu, sölu og þróun hugverka af ýmsu tagi. 

Hann hefur haldið sérsniðin námskeið fyrir ferðaþjóna um tekjusköpun, sýnileika á netinu, umsjá samfélagsmiðla og mikilvægi réttra viðbragða við umsögnum ferðamanna. 

Skráning

  1. Þú bókar þann tíma sem hentar þér og færð svo sendar nokkrar spurningar í tölvupósti til undirbúnings.
  2. Við hittumst svo á Zoom-fjarfundi (60 mín) þar sem ég leiði þig í gegnum efnið, skref fyrir skref. Í seinni kennslulotunni (30 mín) skoðum við niðurstöður og fínstillum herferðina.
    Best er að vera með heyrnartól með hljóðnema. Mundu að skrá þig inn á tölvu með fullan aðgang að Facebook og myndasafninu þínu.
  3. Þú færð svo senda upptöku af námskeiðinu, þannig að þú getir rifjað upp og fikrað þig áfram á eigin spýtur.

Einkakennsla SPONTA 73.000 kr.

TÍMASKRÁNING TEKUR INNAN VIÐ MÍNÚTU

2 kennslulotur – leiðsögn um auglýsingakerfið

Styrkur

Mundu að stéttarfélögin styrkja námskeið fyrir allt að 90% af námskeiðsgjaldi. Einnig styrkir Vinnumálastofnun skjólstæðinga sína um 50% af námskeiðsgjaldi.

Fyrirtækið sjálft getur sótt um styrk í gegnum Starfsmenntunarsjóð, sjá www.attin.is

%d bloggers like this: